শব্দত বিভক্তি যোগ দিবৰ সাধাৰণ নিয়ম
১. ব্যঞ্জনান্ত শব্দত বিভক্তিৰ আদিৰ অকলশৰীয়া স্বৰ শব্দৰ শেষ ব্যঞ্জন বৰ্ণত যোগ হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | ৰাম + এ = ৰামে | ৰামে মাতিছে । |
দ্বিতীয়া | অক | ৰাম + অক = ৰামক | ৰামক মাতা । |
তৃতীয়া | এৰে | ৰাম + এৰে = ৰামেৰে | ৰামেৰে আনা । |
চতুৰ্থী | অলৈ | ৰাম + অলৈ = ৰামলৈ | ৰামলৈ লোৱা । |
পঞ্চমী | পৰা | - | - |
ষষ্ঠী | অৰ | ৰাম + অৰ = ৰামৰ | ৰামৰ ঘৰ । |
সপ্তমী | অত | ৰাম + অত = ৰামত | ৰামত বিশ্বাস । |
২. স্বৰান্ত শব্দত প্ৰথমা বিভক্তিৰ বাদে আন বিভক্তিৰ আদিৰ অকলশৰীয়া স্বৰ লোপ হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | - | - |
দ্বিতীয়া | অক | দেউতা + অক = দেউতাক | দেউতাক আহিছে । |
তৃতীয়া | এৰে | দেউতা + এৰে = দেউতাৰে | দেউতাৰে মাতিছে । |
চতুৰ্থী | অলৈ | দেউতা + অলৈ = দেউতালৈ | দেউতালৈ ৰোৱা । |
পঞ্চমী | পৰা | - | - |
ষষ্ঠী | অৰ | দেউতা + অৰ = দেউতাৰ | দেউতাৰ নাম । |
সপ্তমী | অত | দেউতা + অত = দেউতাত | দেউতাত বিশ্বাস । |
৩. অ-কাৰান্ত আৰু আ-কাৰান্ত শব্দৰ পাছত প্ৰথমা বিভক্তিৰ “এ” গুচি “ই” হয় । ই, ঈ, এ, ঐ বা ঋ-কাৰান্ত শব্দৰ পাছত প্ৰথমা বিভক্তিৰ “এ” গুচি “য়ে” হয় । উ,ঊ, ও বা ঔ-কাৰান্ত শব্দৰ পাছত প্ৰথমা বিভক্তিৰ “এ” গুচি “ৱে” হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | দেউতা + এ = দেউতাই | দেউতাই লিখিছে । |
প্ৰথমা | এ | ছাগলী + এ = ছাগলীয়ে | ছাগলীয়ে বেবায় । |
প্ৰথমা | এ | গৰু + এ = গৰুৱে | গৰুৱে হেম্বেলিয়ায় । |
৪. শব্দৰ শেষত অ-কাৰান্ত যুক্তাক্ষৰ থাকিলে, তাত প্ৰথমা বিভক্তিৰ “এ” সাধাৰণতে লোপ হৈ “ই” হয় । যদি “এ” লোপ নহয়, তেতিয়া যুক্তাক্ষৰৰ “অ” লোপ হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | কৃষ্ণ + এ = কৃষ্ণই/কৃষ্ণে | কৃষ্ণই বংশী বায় । |
৫. যি শব্দৰ শেষ ব্যঞ্জনৰ আগত অনুস্বাৰ (ং) থাকে তাৰ শেষ ব্যঞ্জন যুক্তাক্ষৰৰ স্বভাৱ প্ৰাপ্ত হয় । অৰ্থাৎ “এ” লোপ হৈ “ই” হয় । যদি “এ” লোপ নহয়, তেতিয়া শেষ ব্যঞ্জনৰ “অ” লোপ হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | কংশ + এ = কংশই/কংশে | কংশই কৃষ্ণৰ মামা । |
৬. অ-কাৰান্ত আৰু আ-কাৰান্ত শব্দৰ পাছত তৃতীয়া “এৰে” বিভক্তিৰ “এ” লোপ হয় । ই, ঈ, এ, ঐ বা ঋ-কাৰান্ত শব্দৰ পাছত তৃতীয়া “এৰে” বিভক্তিৰ “এ” লোপ হয় বা “য়ে” হয় । উ,ঊ, ও বা ঔ-কাৰান্ত শব্দৰ পাছত তৃতীয়া “এৰে” বিভক্তিৰ “এ” লোপ হয় বা “ৱে” হয় ।
বিভক্তি | প্ৰত্যয় | উদাহৰণ | বাক্য |
তৃতীয়া | এৰে | মা + এৰে = মাৰে/মাইৰে | মাইৰে মাতিছে । |
তৃতীয়া | এৰে | ঘি + এৰে = ঘিৰে/ঘিয়েৰে | ঘিয়েৰে বনোৱা । |
তৃতীয়া | এৰে | ঢৌ + এৰে = ঢৌৰে/ঢৌৱেৰে | ঢৌৱেৰে নাযাবা । |
৭. অ-কাৰান্ত আৰু আ-কাৰান্ত শব্দৰ পাছত তৃতীয়া “এদি” বিভক্তিৰ “এ” লোপ হয় । ই, ঈ, এ, ঐ বা ঋ-কাৰান্ত শব্দৰ পাছত তৃতীয়া “এদি” বিভক্তিৰ “এ” লোপ হয় বা “য়ে” হয় । উ,ঊ, ও বা ঔ-কাৰান্ত শব্দৰ পাছত তৃতীয়া “এদি” বিভক্তিৰ “এ” লোপ হয় বা “ৱে” হয় ।
বিভক্তি | প্ৰত্যয় | উদাহৰণ | বাক্য |
তৃতীয়া | এদি | ঘোঁৰা + এদি = ঘোঁৰাদি/ঘোঁৰাইদি | ঘোঁৰাইদি যোৱা । |
তৃতীয়া | এদি | বালি + এদি = বালিদি/বালিয়েদি | বালিয়েদি দৌৰা । |
তৃতীয়া | এদি | চকু + এদি = চকুদি/চকুৱেদি | চকুৱেদি চাবা । |
৮. তৃতীয়া বিভক্তিৰ “দ্বাৰা” বা “দ্বাৰায়” আৰু পঞ্চমী বিভক্তিৰ “পৰা” যোগ হ’লে শব্দৰ শেষত “অৰ” যোগ হয় ।
বিভক্তি | প্ৰত্যয় | উদাহৰণ | বাক্য |
তৃতীয়া | দ্বাৰা | ৰাম + দ্বাৰা = ৰামৰ দ্বাৰা | ৰামৰ দ্বাৰা কৰোৱা । |
তৃতীয়া | দ্বাৰায় | ৰাম + দ্বাৰায় = ৰামৰ দ্বাৰায় | ৰামৰ দ্বাৰায় কৰোৱা । |
পঞ্চমী | পৰা | ৰাম + পৰা = ৰামৰ পৰা | ৰামৰ পৰা লোৱা । |
৯. শব্দৰ শেষত অকলশৰীয়া “ও” থাকিলে আৰু তাত আদিত অকলশৰীয়া স্বৰ থকা বিভক্তি (অক, অৰ, এৰে, এদি ইত্যাদি) যোগ হ’লে “ও” গুচি “ৱ” হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | গাঁও + এ = গাঁৱে | আমাৰ গাঁৱে গাঁৱে । |
দ্বিতীয়া | অক | গাঁও + অক = গাঁৱক | আমাৰ গাঁৱক । |
তৃতীয়া | এৰে | গাঁও + এৰে = গাঁৱেৰে | আমাৰ গাঁৱেৰে । |
তৃতীয়া | এদি | গাঁও + এদি = গাঁৱেদি | আমাৰ গাঁৱেদি । |
চতুৰ্থী | অলৈ | গাঁও + অলৈ = গাঁৱলৈ | আমাৰ গাঁৱলৈ । |
চতুৰ্থী | অক | গাঁও + অক = গাঁৱক | আমাৰ গাঁৱক । |
ষষ্ঠী | অৰ | গাঁও + অৰ = গাঁৱৰ | আমাৰ গাঁৱৰ । |
সপ্তমী | অত | গাঁও + অত = গাঁৱত | আমাৰ গাঁৱত । |
১০. শব্দৰ শেষত অনুস্বাৰ (ং) থাকিলে আৰু তাত আদিত অকলশৰীয়া স্বৰ থকা বিভক্তি (অক, অৰ, এৰে, এদি ইত্যাদি) যোগ হ’লে “ং” গুচি “ঙ” বা “ঙ্গ” হয় ।
বিভক্তি | প্ৰত্যয় | উদাহৰণ | বাক্য |
প্ৰথমা | এ | ৰং + এ = ৰঙে/ৰঙ্গে | ৰঙ আনে সুবতৰা । |
দ্বিতীয়া | অক | ভাং + অক = ভাঙক/ভাঙ্গক | ভাঙক এৰিবা । |
তৃতীয়া | এৰে | দলং + এৰে = দলঙেৰে | দলঙেৰে যাবা । |
তৃতীয়া | এদি | দলং + এদি = দলঙেদি | দলঙেদি আহিবা । |
চতুৰ্থী | অলৈ | কলং + অলৈ = কলঙলৈ | কলঙলৈ গৈছিলোঁ । |
চতুৰ্থী | অক | শিং + অক = শিঙক | শিঙক কাটি । |
ষষ্ঠী | অৰ | চাং + অৰ = চাঙৰ | চাঙৰ ওপৰত । |
সপ্তমী | অত | চাং + অত = চাঙত | চাঙত বহি । |
টোকাঃ
অনলাইন শব্দ-বিভক্তি সঁজুলিৰ কাৰণে ইয়াত যাওঁক ।